Vawiin ni 22.02.2026 (Chawlhni) zanah Pu Vanlalhruaia, Chairman, Bial KPP chu chairman niin Rev. C. Lalchhuanawma, Bialtu Pastor-in hruaitu tharte Pathian hnenah a hlan a. College Veng Kohhran zaipawl leh Republic Veng Pastor Bial zaipawl ten Pathian fakna hla an rem ve ve a. Nl. Melody Lalzirlianin Pathian fakna hla sa lehin Speaker Rev. J.C. Lalramliana hnen atangin thupui ‘Rinawmna’ tih ngaihthlak a ni.
Google Drive Album (Full Size Thlalak): Click rawh le.
Vawiin ni 22.02.2026 (Chawlhni) chawhnuah Pu H. Laibata, Finance Secretary, Bial KPP chu chairman niin Pu Vankhuma Hranleh, College tantu a ni a. Republic Veng Kohhran zaipawl leh Republic Veng Pastor Bial zaipawl ten Pathian fakna hla an rem ve ve a. Nl. Meloday Lalzirliani-in Pathian fakna hla a sa bawk a ni. Speaker Rev. J.C. Lalramliana hnen atangin thupui ‘Rinawmna’ tih ngaihthlak a ni.
Google Drive Album (Full Size Thlalak): Click rawh le.
Vawiin ni 22.02.2026 (Chawlhni) chawhma inkhawmah Bialtu Pastor, Rev. C. Lalchhuanawman inkhawm hruaiin Pu Lalpanliana, Republic Vengthlang tantu a ni a. Upa Lalmanliana, Bial Chairman-in thawhlawm a hlan a ni. Republic Vengthlang Kohhran zaipawl leh Republic Vengthlang Kohhran Hmeichhe Zaipawl te an zai bawk a ni. Speaker Rev. J.C. Lalramliana hnen atangin thupui ‘Rinawmna’ tih kan ngaithla a ni.
Inkhawm banah Bial KPP hruaitu inthlanna neih a ni.
Google Drive Album (Thlalak Full Size): Click rawh le.
Republic Veng Pastor Bial Kohhran Pavalai Pawl Intawhkhawm Vawi 6-na chu ni 21-22 February 2026 chhungin Republic Vengthlang Kohhranah neih a ni a. Speaker atan Rev. J.C. Lalramliana, Director, Synod Revival niin thupuiah ‘Rinawmna’ (Thupuan 2:10) hman a ni.
Inrinni zan inkhawmah Pu H.S. Lalrampara, Vice Chairman, Bial KPP chu chairman niin Pu L.C. Vanlalvena, Republic Veng KPP chu tantu a ni a. Veng tin KPP ten zaipawl an nei thei theuh a; tin, veng tin KPP report ngaihthlak a nih bakah Bial KPP report ngaihthlak a ni bawk. Rev. C. Lalchhuanawman inkhawmte malsawmnain a tin a ni.
Google Drive Album (Thlalak full size): Click rawh le.
