Republic Vengthlang Kohhran Pavalai Pawl hi din ve dan tur ngaihtuahin kum 2008, August thla khan Pavalai thenkhat (Pute – C.Lalherliana, RL Thianghlima, C. Lalmuana, Lalnuntluanga Tlomte, Liandawla Ralte, MS Dawngliana FV, H. Vanlalhluana, K. Lalhlimpuia, R.Lalthangzama, J. Chamliana, Lalsanga Pautu, R. Lalrawngbawla, C. Lalthara, PC Lalfakzuala, PC Lalramlawma leh Vanlalngaia Ralte) te chu Pu R.Lalthangzama In, Biak In Mualah an inhmu khawm thin a (ziaka dah, tun thlenga la awm chu tum 3 a ni a). Hruaitu (Office Bearers) dinhmun chang tur an inruat hlei thei lo va (Kei chu ni lo ve, an ti zel a), hma la zel turin ‘Convener’ erawh chu mi 5 (Pu PC. Lalfakzuala, Pu PC. Lalramlawma, Pu R. Lalthangzama, Pu K. Lalhlimpuia, Pu Lalsanga Pautu & Pu M.S. Dawngliana-B8) an ruat a. Hetih lai hun atanga kalphung, tun thlenga Kohhran Pavalai Pawlin Inkhawmah pawh chatlak miah lova kan la kalpui tak zel chu, ‘Tawngtai Rual’ hi a ni.
Tichuan, a kum leh, 2009 January ni 26 zan dar 6:30-ah Pu C.Lalherliana In, Biak In Mualah mi 12 (Pute – Upa K. Kapzova, Vanhnuaithanga, C. Lalhruailiana, PC Lalhnuna, F. Hmingthansanga, Vanlalhruaia, PC Dangliana, P. Lalngheta, R. Raldoliana, C. Lalherliana, Lalthlanchhunga leh Upa H. Lalthankhuma) te kal khawmin PAVALAI PAWL din ngei tha an ti a, Pawl hruaitu tur erawh chu, Member pawh insawm belha, ni 1.2.2009 (Pathianni) chawhnu inkhawm banah Pu C. Lalherliana Ina kokim zawka kal khawm leha din ni se tiin an rel a. Convener atan Pu C. Lalhruailiana an ruat a ni.
REPUBLIC VENGTHLANG KOHHRAN PAVALAI PAWL hi Upa pali uapna hnuaiah ni 1.2.2009 (Pathianni) Chawhnu Inkhawm banah Pu C.Lalherliana In, Biak In Mualah mi 22 (Pute – Upa K. Kapzova, C. Lalhruailiana, Vanhnuaithanga, PC Lalhnuna, P. Lalngheta, Vanlalhruaia, R. Lalnghaka, C. Lalherliana, R. Raldoliana, R. Lalthangzama, K. Lalhlimpuia, C. Chhunthanga, PC Dangliana, F. Hmingthansanga, PC Lalramlawma, H. Zasiama, Lalthanzama, J. Chamliana, Zonunmawia, Upa H. Lalthankhuma, Upa R. Lalropuia leh Upa F. Lalfakzuala) te kal khawmin an din a ni.