Ni 12.10.2024 (Inrinni) chawhma dar 10:00 khan Aizawl East Presbytery Inkhawmpui ni thumna neih a ni a. Chawhma hi rorel inkhawm a ni. Chhun thingpui in zawhah chawhnu inkhawm neih chhunzawm a ni a, tlai dar 4:20 ah rorel an zo va, Rev. R. Lalchangliana’n malsawmnain inkhawm a tin.
Aizawl East Presbytery Vawi 26-na – Zirtawpni Zan Vantlang Pathian Biak Inkhawm
Zan dar 6:30 ah vantlang Pathian biak inkhawm neih a ni a, zaipawl 4 – Venghlui Pastor Bial, Bethlehem North Kohhran Zaipawl, ITI Veng Kohhran Zaipawl leh Aizawl East Area Masihi Sangati Zaipawl te an zai a. Upa Lalmanliana, College Veng Kohhran hnen atangin Pathian thuchah ngaihthlak a ni a, Rev. Dr. R. Lalbiakmawia’n malsawmnain inkhawm hi a tin a ni.
Aizawl East Presbytery Vawi 26-na – Presbytery Inkhawmpui Rorel (Zirtawpni)
Ni 11.10.2024 (Zirtawpni) khan Aizawl East Presbytery Inkhawmpui ni 2-na neih a ni a. Chawhma inkhawmah Moderator inthlakna hun hman a ni a. Chhun thingpui in chawlh an neih hnuin chawhnu lam atangin inkhawmpui rorel tan a ni. Agenda 12 zingah 4 an rel zo hman a, tlai dar 4:30 ah an tin.
Aizawl East Presbytery Vawi 26-na – Inlawmna & Pastor Bial Report
Ni 10.10.2024 (Ningani) khan Aizawl East Presbytery Inkhawmpui Vawi 26-na chu Republic Vengthlang Presbyterian Kohhran Biak Inah ṭan a ni.
Zan dar 6:30-ah Inlawm leh Pastor Bial Report inkhawm neih a ni a, inkhawm hi Upa H. Thangmawizuala, Moderator-in a kaihruai a, ṭantu Upa Siliana, Republic Vengthlang Kohhran a ni. Pastor Bial 6 aṭangin Bial Report ngaihthlak a ni. Zaipawl 3 awmin, Republic Veng Bial Zaipawl, Bethlehem leh Venghnuai Kohhran Zaipawlte zai ngaihthlak a ni. Moderator-in a sawm Upa C.L. Dawngliana, Venghnuai Kohhranin lawmthu sawi tawngtaina hun a hmang a. Rev. Liandawla, Venghluiin malsawmnain inkhawm a tin a ni.
Aizawl East Presbytery Vawi 26-na – Ningani Chhun
Ni 10.10.2024 (Ningani) chawhma dar 9:00AM – 10:30AM chhungin Finance Committee te Biak Inah an thu a. Hemi rual tho hian Upa thlan thar ten Common Committee Room-ah exam an pe ve thung bawk a ni.
Chhun dar 11:00 atanga chawhnu dar 1:30 thleng Sub Pastoral Committee te Biak Inah an thu leh a. Sub-Pastoral Committee zawhah hian chhun chaw fakin chawhnu dar 1:30 atanga tlai lam dar 4:00 thleng Nomination Committee an thu ve leh a. Anni an ban hnu hian zanriah eiho nghal a ni.
