Kohhran, KPP

Kohhran Pavalai Pawl Din Cham Vawi 15-na Lawm A Ni

No Comments

Vawiin February 1, 2024 hi Republic Vengthlang Kohhran Pavalai Pawl din champha vawi 15-na (Crystal Jubilee) a ni a. Kohhran Hall-ah lawmna inkhawm neih niin member-te an kal tha hle. Republic Vengthlang Kohhran Pavalai Pawl hi February 1, 2009 khan din tan a ni a. Pathian hruaina leh awmpuina zarah heng kum 15 chhung hian rawngbawlna hlawhtling leh hriatreng tlak tam tak an nei tawh a ni.

Kohhran Pavalai Pawl din cham lawmna inkhawm hi Pu J. Chamliana, Chairman-in a kaihruai a, Pu K. Lalhlimpuia’n Kohhran Pavalai Pawl report kimchang takin a pe a, Kohhran Pavalai Pawl chairman hmasa ber Pu C. Lalhruailiana’n Pathian thuchah a sawi a ni. Hunserh hman zawh a nih hnu-in thupuangtu Nl. Vanlalhruaii’n programme a kaihruai zui nghal a. Thusawi hrang hrang heng – Pu R. Lalneihliana, Chairman, Bial KPP, Nl. C. Vanlalzawni, Chairman, Kohhran Hmeichhia leh Pu David Lalruatfela, Leader, Branch KTP ten thuchah leh lawmpuina thu an sawi a. Kohhran Hmeichhia leh Kristian Thalai Pawl-te hian Kohhran Pavalai Pawl kum 15 tlin lawmpui nan Rs. 2000 /- ve ve an hlan a, Pu Lalhmingmawia Ralte, Asst. Secy, Bial KPP-in lawmpuina thilpek hlu tak a pe bawk.

Kohhran Pavalai Pawl dincham lawmna-ah hian Kohhran Hmeichhia atangin Group zai, Kristian Thalai Pawl atangin Female Voice leh Kohhran Pavalai Pawl atangin Group zai mawi tak tak te ngaihthlak a ni a. Inkhawm banah hian thingpui ruai hlimawm tak chan ho a ni.

Continue Reading

Kohhran

Rawngbawltu Inhlan Tharna

No Comments

Ni 19.01.2024 (Zirtawpni) zan dar 7-ah ‘Kum 2024 Rawngbawltu Inhlan Tharna Inkhawm’ neih a ni a. Upa K. Darthanga, Kohhran Committee Chairman-in inkhawm kaihruaiin Upa R. Lalropuian thupuangin rawngbawltute hming a lam a. Hla KHB 380-na ‘Dam Chhungin I Thawk Thuai Ang U’ tih sakho a ni a. Thuchah tawi Upa R. Kapliana, Vice Chairman, Kohhran Committee hnen atangin thuchah tawi ngaihthlak a ni a. Hruaitu kaihhruainain inhlantharna leh tawngtai rualna hun hman leh a ni a. KHB 399-na ‘Lalpa, I Rawngbawla Min Koh Hi’ tih hla sakho a ni a. Lalpa tawngtainaa tawngtaiin inkhawm an bang a ni. Inkhawm banah inkhawm zawng zawngten thingpui an inho nghal a ni.

Hetiang hi rawngbawltute kal dan a ni:

  1. Upa Bial 1-na: Rawngbawltu 42, Kal 38, Kal Lo 4
  2. Upa Bial 2-na: Rawngbawltu 46, Kal 35, Kal Lo 11
  3. Upa Bial 3-na: Rawngbawltu 44, Kal 34, Kal Lo 10
  4. Upa Bial 4-na: Rawngbawltu 45, Kal 35, Kal Lo 10
  5. Upa Bial 5-na: Rawngbawltu 45, Kal 33, Kal Lo 11
  6. Upa Bial 6-na: Rawngbawltu 42, Kal 32, Kal Lo 10
  7. Upa Bial 7-na: Rawngbawltu 35, Kal 27, Kal Lo 8
  8. Upa Bial 8-na: Rawngbawltu 41, Kal 37, Kal Lo 4
  9. Upa Bial 9-na: Rawngbawltu 38, Kal 31, Kal Lo 7

Rawngbawltu Ruat Zawng Zawng: 389

Kohhran Committee: 10 (Kal Lo: 1)

Inkhawm Zawng Zawng: 312

Kal Lo: 77

Continue Reading

Kohhran

Pastor C. Lalchhuanawma Induction Neih A Ni

No Comments

Vawiin ni 14.01.2024 Republic Veng Kohhran Biak In chawhnu inkhawmah kan bialtu pastor thar, Pastor C. Lalchhuanawma induction programme hman a ni. Inkhawm hi Rev. RC Lalnghakliana, Director, Revival chuan inkhawm a kaihruai a, Upa Lalthakhuma, Secretary (Sr.)-in pastor thar chanchin a sawi a. Chairman-in induction zawhna zawtin Upa K. Darthanga, Bial Chairman-in a chhang a. Bial Zaipawl ten Pathian fak hla mawi tak an sa bawk a ni.

Fuihna leh duhsakna Chairman-in sawiin Pastor C. Lalchhuanawma hian thu a sawi a. Upa Siliana, Republic Vengthlang chuan lawmthu sawi leh tawngtai sakna hun a hmang a ni.

PASTOR C. LALCHHUANAWMA CHANCHIN:

Pastor C. Lalchhuanawma hi Pu C. Rozama leh Pi Zoliani te fa niin Varanasi, Uttar Pradesh-ah kum 1967 khan a piang a. Unau pali niin, mipa pakhat leh hmeichhe pathum an ni. Thiamna lamah B.A leh B.D niin Pi Lalramhluni nen inneiin fa pathum an nei a, chungte chu: C. Lalrinlawma, C. Lalthathluanga leh C. Lalhmingmuani te an ni.

Kum 1997-1999 khan Kawrtethawveng Pastor Bial-ah Probationary Pastor niin, kum 1999 khan Pastor atan nemngheh a ni. Heng bialah te hian pastor-in a awm tawh a ni: Keitum, Aibawk, Kolasib Hmarveng, Mamit Hmunsam leh Champhai Kahrawt te a ni.

Continue Reading