Ni 3 – 7 September, 2024 chhung khan Synod Revival Committee buatsaihin Synod Revival Camping Centre Neihbawihah Agape Gospel Rhema team hmangin gospel camping buatsaih a ni a. Hetah hian kan kohhran chu camping buaipui tura ruat kan nih angin tluang takin kan zo thei a.

Camping-ah hian mipa 86 leh hmeichhia 12 lutin, a vaiin mi 98 camping-ah hian an lut a. Kan veng atangin camper 20 awmin, veng hrang hrang 36 dang atangin camper-te hi an kalkhawm a ni. Worker-ah kan kohhran atangin puipa 3, eirawngbawl 16 leh security 22, a vaiin mi 41 kan riak lut thei a ni.

Camping hi kan kohhranah followup ni 7 September zan leh ni 8 September zanah neih zui a ni a. Camping hi kan kohhranah crusade a kar khat chhung, ni 9 – 15 September, 2024 thleng neihzui a ni ang.

Ni 8 September, 2024 khan Republic Veng Pastor Bial chuan Sunday School Inkhawmpui neiin chawhma inkhawmah Beginner Department te Republic Veng Kohhranah inkhawmpuiin, Primary Department te College Veng Kohhranah an inkhawmpui ve thung a. Chawhnu inkhawmah Junior Department te Republic Veng Kohhranah inkhawmpuiin, Intermediate leh Sacrament Department te College Veng Kohhranah an inkhawmpui thung a ni.

Hetiang hi kan kohhran result a ni e:

Beginner Department: 1-na; Primary Department: 1-na; Junior Department: 2-na; Intermediate leh Sacrament Department: 3-na.

A pumpui result chu hetiang hi a ni:

1-na: College Veng; 2-na: Republic Vengthlang; 3-na: Republic Veng.

Beginner Department:

Primary Department

Junior Department

Intermediate & Sacrament Department

Ni 31 August, 2024 zanah Ramthar Ni programme hman a ni a. Upa R. Lalropuian inkhawm hruaiin Pi K. Lalfanliani tantu a niin Kohhran Zaipawl ten Pathian fakna hla an rem a. Rev. Lalhmuchhuaka, Director, Prison Ministry-in thuchah sawiin ani hi a nupui leh fapa bakah a rawngbawlpui ten an rawn tawiawm bawk a ni. Inkhawm banah inkhawmten thingpui kan inho a ni.

Bialtu Pastor, Rev. C. Lalchhuanawma chuan ni 14.08.2024 (Nilaini) zan atangin kan tualchhung kohhranah Pastor Bial fan programme tanin chawlhni chawhma khan Puitling Sunday School Inkhawm hruaiin zirlai a khaikhawm a. Chawhnu Inkhawmah Lalpa Zanriah Sacrament buatsaihin inkhawm banah Mual Vengah damlo te tan Sacrament hi a buatsaih sak zui a ni.

Zan inkhawmah Upa R. Lalropuian inkhawm kaihruaiin Nl. C. Vanlalzawnin thawhlawm a hlan a. Bial Zaipawl ten Pastor Bial fang hi tawiawmin Pathian fakna hla mawi tak an sa a. Bialtu pastor hi a nupui fanauten rawn tawiawmin ‘Sawma Pakhat’ chungchang a sawi a, inkhawm hi malsawmnain min tin a ni.

Chawhnu Inkhawm – Lalpa Zanriah Sacrament

Zan Inkhawm

Bial Kohhran Hmeichhia Inkhawmpuiin a lo rel tawh angin ni 11 August, 2024 zanah kan Kohhranah Kristian Chhungkaw Campaign neih a ni a. Inkhawm hi Upa H. Lalthankhuman hruaiin Pathian biak inkhawm thawhlawm Pi Lamchhingi, Chairman, Bial Kohhran Hmeichhiain a hlan a. Republic Vengthlang Kohhran Female Voice-in fakna hla mawi tak an sa a, Buhfaitham Campaign Pi PC Lalrinmawii, Bial Buhfaitham Ziaktu (Sr.) hnen atanga kan ngaithlak hnuin Bial Chairman Upa P.C. Lalhmuaka hnen atangin ‘Krista Lalna Chhungkua Hi I Dinthar Leh Ang U’ tih thupui kan ngaithla a, inkhawm malsawmnain min tin a ni.

Ni 4 August, 2024 (Chawlhni) zan inkhawmah Bible Society Campaign neih niin, Campaigner Rev. R. Lalrosiaman hun a hmang a. Ani hi Mualpui Police Kohhran Zaipawl ten rawn tawiawmin Bible Society puala thawhlawm hi lakkhawm a ni.