Ni 19.05.2024 Pentikos Ni Zan Inkhawm chu Upa R. Lalnghakan hruaiin PCI General Assembly pualin thupui awmsa Point 7 hmangin kan tawngtairual a. Kohhran Zaipawl ten Pathian fakna hla mawi taka sain Tual Upa H. Zasiaman thupui awm sa ‘Thlarau Thianghlim chuan Kohhranah min hruai lut’ tih a sawi a ni.

Ni 19.05.2024 Pentikos Ni Chawhnu Inkhawmah Upa R. Lalnghakan inkhawm hruaiin Pi R. Zothanmawii tantu a ni a. Pu B. Lalthansanga hnen atangin thupui awm sa, ‘Thlarau Thianghlimin sual kan nih min hriattirin thu takah min hruai lut,’ a sawi a ni.

Ni 19.05.2024 Pentikos Ni Chawhma Inkhawmah Upa R. Lalnghakan inkhawm hruaiin Pi Zosangpuii a tan a. Upa K. Darthangan thawhlawm lakkhawm chu hlanin Bialtu Pastor, Rev. C. Lalchhuanawman thupui awm sa, ‘Thlarau Thianghlim chuan Isua nihna a puang’ tih a sawi a. Kan kohhran atanga pastor kalchhuak, Rev. Andrew Lalhruaitluangan malsawm tawngtainain inkhawm min tin a ni. Inkhawm kan thain Gallery leh Extension zawng zawng bakah pawn lam bathlarah pawh kan khat deuh vek a ni.

Ni 14 April, 2024 Chawlhni Zan Inkhawm chu tun tum Kristian Chhungkaw Campaign kan neih a tawp zan a ni ta der a. Kohhran member inkhawm pawh kan tha hle a; Biak In chhung bakah Gallery, Extension thlang & chhak bakah kawtah te pawh mi eng emaw zat an thu a ni. Upa R. Lalropuian inkhawm hruaiin Kohhran Zaipawl ten Pathian fak hla mawi tak an rem a. Kan thawhlawm te Upa Silianan a hlan a ni.

Kan speaker Upa C. Ngurthantluangan nu leh pate chauh ni lovin, thalaite leh naupang zawkte mamawh thil tam tak a tarlang a. Kohhran mipuite tana tangkai tur Kristian Chhungkaw kaihhnawih survey result pawimawh tak tak te pawh a sawichhuak a, a bengvarthlakin a hlawkthlak hle a ni.

Inkhawm banah Kristian Chhungkaw Committee ten thla lakpuiin kan rawngbawltu leh amah tawiawmtute thingpui an inpui bawk a ni.