Zan dar 6:30 ah vantlang Pathian biak inkhawm neih a ni a, zaipawl 4 – Venghlui Pastor Bial, Bethlehem North Kohhran Zaipawl, ITI Veng Kohhran Zaipawl leh Aizawl East Area Masihi Sangati Zaipawl te an zai a. Upa Lalmanliana, College Veng Kohhran hnen atangin Pathian thuchah ngaihthlak a ni a, Rev. Dr. R. Lalbiakmawia’n malsawmnain inkhawm hi a tin a ni.

Ni 11.10.2024 (Zirtawpni) khan Aizawl East Presbytery Inkhawmpui ni 2-na neih a ni a. Chawhma inkhawmah Moderator inthlakna hun hman a ni a. Chhun thingpui in chawlh an neih hnuin chawhnu lam atangin inkhawmpui rorel tan a ni. Agenda 12 zingah 4 an rel zo hman a, tlai dar 4:30 ah an tin. 

Ni 10.10.2024 (Ningani) khan Aizawl East Presbytery Inkhawmpui Vawi 26-na chu Republic Vengthlang Presbyterian Kohhran Biak Inah ṭan a ni.

Zan dar 6:30-ah Inlawm leh Pastor Bial Report inkhawm neih a ni a, inkhawm hi Upa H. Thangmawizuala, Moderator-in a kaihruai a, ṭantu Upa Siliana, Republic Vengthlang Kohhran a ni. Pastor Bial 6 aṭangin Bial Report ngaihthlak a ni. Zaipawl 3 awmin, Republic Veng Bial Zaipawl, Bethlehem leh Venghnuai Kohhran Zaipawlte zai ngaihthlak a ni. Moderator-in a sawm Upa C.L. Dawngliana, Venghnuai Kohhranin lawmthu sawi tawngtaina hun a hmang a. Rev. Liandawla, Venghluiin malsawmnain inkhawm a tin a ni.

Ni 10.10.2024 (Ningani) chawhma dar 9:00AM – 10:30AM chhungin Finance Committee te Biak Inah an thu a. Hemi rual tho hian Upa thlan thar ten Common Committee Room-ah exam an pe ve thung bawk a ni.

Chhun dar 11:00 atanga chawhnu dar 1:30 thleng Sub Pastoral Committee te Biak Inah an thu leh a. Sub-Pastoral Committee zawhah hian chhun chaw fakin chawhnu dar 1:30 atanga tlai lam dar 4:00 thleng Nomination Committee an thu ve leh a. Anni an ban hnu hian zanriah eiho nghal a ni.

Kum 2000 Synod Inkhawmpui chuan September Pathianni hnuhnung ber hi Kristian Chhungkaw Ni atan hman ni se, a ti a. Hman dan turte ruahman hnuah kum 2002 atangin hman tan a ni ta a. Kum 2011 Synod Inkhawmpui chuan Nu leh Pa Ni hman a rel leh bawk a. Synod hian ni pawimawh kan neih tam deuh tak avangin ni khata hman mai tha a ti a ni.

Tualchhung Kristian Chhungkaw Committee te rawtna angin Kohhran Committee chuan Rev. Dr. Lalchungnunga Speaker a sawmin Kristian Chhungkaw Campaign ni 29.09.2024 hian neih ni se a ti a.

CHAWHNU – Nu leh Pa Ni:

Chawhnu inkhawm atangin campaign neih tan a ni a. Upa Dr. R. Lalhmingthanga, Meeting chairman-in inkhawm hruaiin Senior Department-ten ‘Beram No’ tih hlapui an rem a. Speaker hnen atangin sermon ‘Khualzin leh mi cham vanram pana kal mek chhungkua’ tih thupui hmangin kan ngaithla a.

ZAN – Kristian Chhungkaw Ni:

Zan inkhawmah meeting chairman-in inkhawm hruaiin T.Upa H. Zasiaman thawhlawm a hlan a. Kohhran Zaipawlten ‘Beram No leh Haleluia Chorus’ sain speaker hnen atangin sermon ‘Chhungkua min runtu leh a hnehna’ tih thupui hmangin kan ngaithla leh a ni.

Inkhawm banah Speaker leh amah tawiawmtu a nupui te Kohhran Committee remchangte leh Kristian Chhungkaw Committee ten inkawmna hun an neihpui bawk a ni.