Ni 15 September, 2024 khan Republic Veng Pastor Bial Senior Department Inkhawmpui chu Republic Vengthlang Kohhran-ah neih a ni a, Pastor C. Lalchhuanawma, Bialtu Pastor chu Speaker a ni. Upa P.C. Lalhmuaka, Bial Chairman chuan chawhma inkhawm a hruai a, Upa R. Lalropuia, Bial Secretary (Sr.) chuan chawhnu inkhawm a hruai. Pastor Bial chhunga Kohhran hrang hrang Senior Dept. ten chawhma inkhawm leh chawhnu inkhawmah Hla chuam (Solfa) leh Mizo Lengkhawm hla hmangin hla an rem a. Chawhnu inkhawm banah Fellowship neih niin T/Upa Malsawmtluanga, Bial Sunday School Commt. member in a hruai a, Kohhran tin Senior Dept. tangin Item pahnih theuh neih a ni.

Senior Dept. Inkhawmpui-ah hian kal that-ah inel a ni a, Upa Siliana, Asst. Supdt. Republic Vengthlang Sunday School chuan lawmman a sem a ni. Hetiang hi result a ni –

Pakhatna – Republic Veng – Hming ziak – 198, Kal zat – 190, Percent – 95.96 %
Pahnihna – Republic Vengthlang – Hming ziak – 117, Kal zat – 110, Percent – 94.02 %
Pathumna – College Veng – Hming ziak – 162, Kal zat – 152, Percent – 93.83 %

A pumpui result khaikhawmna

Ni 3 – 7 September, 2024 chhung khan Synod Revival Committee buatsaihin Synod Revival Camping Centre Neihbawihah Agape Gospel Rhema team hmangin gospel camping buatsaih a ni a. Hetah hian kan kohhran chu camping buaipui tura ruat kan nih angin tluang takin kan zo thei a.

Camping-ah hian mipa 86 leh hmeichhia 12 lutin, a vaiin mi 98 camping-ah hian an lut a. Kan veng atangin camper 20 awmin, veng hrang hrang 36 dang atangin camper-te hi an kalkhawm a ni. Worker-ah kan kohhran atangin puipa 3, eirawngbawl 16 leh security 22, a vaiin mi 41 kan riak lut thei a ni.

Camping hi kan kohhranah followup ni 7 September zan leh ni 8 September zanah neih zui a ni a. Camping hi kan kohhranah crusade a kar khat chhung, ni 9 – 15 September, 2024 thleng neihzui a ni ang.

Ni 8 September, 2024 khan Republic Veng Pastor Bial chuan Sunday School Inkhawmpui neiin chawhma inkhawmah Beginner Department te Republic Veng Kohhranah inkhawmpuiin, Primary Department te College Veng Kohhranah an inkhawmpui ve thung a. Chawhnu inkhawmah Junior Department te Republic Veng Kohhranah inkhawmpuiin, Intermediate leh Sacrament Department te College Veng Kohhranah an inkhawmpui thung a ni.

Hetiang hi kan kohhran result a ni e:

Beginner Department: 1-na; Primary Department: 1-na; Junior Department: 2-na; Intermediate leh Sacrament Department: 3-na.

A pumpui result chu hetiang hi a ni:

1-na: College Veng; 2-na: Republic Vengthlang; 3-na: Republic Veng.

Beginner Department:

Primary Department

Junior Department

Intermediate & Sacrament Department